Şirvan şəhər Kommunal Kombinatı Müəssisəsinin əməkdaşları daha bir nümunəvi əmələ imza atıblar.

YeniSirvanli.İnfo.Az bildirir ki, müəssisə rəhbəri Məhəmməd Hüseynovun göstərişinə əsasən, Şirvan şəhəri,” İsmət Qayıbov” adına parkın giriş hissəsində yerləşən və ərazinin “brendi” sayılan Nəriman Nərimanovun heykəlinin illərlə təmizlənməyən hissəsi komplekt şəkildə təmizlənib.

Heykəlin üst tərəfində İllərlə qalaqlanmış yarpaq-kol qalıqları və digər məişət tullantıları aidiyyatı şəkildə yığılaraq ərazidən uzaqlaşdırılıb.

YeniSirvanli.İnfo.Az olaraq şəhərimizdə görülən abadlıq-quruculuq işlərinin əsas təşkilatçısı hesab olunan şəhər İcra Hakimiyyətinin başçısı cənab İlqar Abbasova və  ətraf mühitin qorunması, xidməti ərazilərdə sanitar təmizliyin lazımi qaydada təmin edilməsi, habelə təbiətin mühafizəsi və tullantıların düzgün idarə olunması sahəsində əsl vətəndaş mövqeyi nümayiş etdirən qurum təşkilat rəhbəri Məhəmməd Hüseynova və əməkdaşlarına xüsusi minnətdarlığımızı bildiririk.

YeniSirvanli.İnfo.Az