Ukrayna Prezidenti Vladimir Zelenski mərkəzi icra hakimiyyəti orqanlarında yüksək vəzifəli şəxslərin genişmiqyaslı auditdən keçirilməsi barədə göstəriş verib. Yoxlamaların, ilk növbədə, vergi xidməti və korrupsiya risklərinin yüksək olduğu digər dövlət qurumlarını əhatə edəcəyi bildirilir.

Yenisirvanli.İnfo.Az xəbər verir ki, V. Zelenski saxta çağrı mərkəzlərinin əməkdaşları üçün ağır cinayət məsuliyyəti nəzərdə tutan qanunu da imzalayıb. Yeni qanunvericiliyə əsasən, bu növ qanunsuz fəaliyyətlə məşğul olan şəxsləri 5 ildən 10 ilədək həbs cəzası gözləyir.

Sərt qərarlar Ukraynanın keçmiş Baş prokuroru Ruslan Kravçenko ətrafında yaranmış korrupsiya qalmaqalı fonunda qəbul edilib.

Məlumata görə, hüquq-mühafizə orqanları R. Kravçenkonun evində axtarış aparıblar. Sentyabrın 7-də istefa verdiyini bəyan edən keçmiş Baş prokurorun tutduğu vəzifədən azad edilməsi sentyabrın 15-də Ali Rada tərəfindən rəsmən təsdiqlənib.

Yenisirvanli.İnfo.Az