“Diləfruzu da, Zamirin qızlarını da Təvəkkül oğurlayıb aparıb Məmmədmusa Hüseynova təhvil verib”.
Musavat.com xəbər verir ki, bu, Şabranın Dağbilici kənd sakini Hürü Daşdıyevanın sözləridir. Hürü Daşdıyeva 2005-ci ildə müəmmalı şəkildə itkin düşən, bu günə qədər də öldü-qaldısı bilinməyən Diləfruz Daşdıyevanın anasıdır.
Hürü Daşdıyevanın sözlərindən belə qənaət formalaşır ki, Dağbilici kəndində 20 il öncə onun qızının oğurlanması, ardından eyni kənddən Zamir Məcidovun qızları 14 yaşlı Nailə və 7 yaşlı Reyhanənin oğurlanması, 2023-cü ildə Qəlagah kəndindən Ənvər Müslümovun izsiz-tozsuz yoxa çıxması cinayətləri arasında əlaqə var. O, baş verənlərin təşkilatçısı rolunda zamanında Şabran Polis Şöbəsində rəis müavini vəzifəsində çalışmış Məmmədmusa Hüseynovu, icraçı kimi hazırda ömürlük həbsdə olan Qələgah sakini Təvəkkül İsmayılovu görür.
Onun sözlərinə görə Təvəkkül İsmayılovun cinayət işi üzrə istintaqda, sonradan isə məhkəmədə Dağbilicə baş verən adam oğurluğu cinayətləri tam olaraq araşdırılmayıb.
Hürü Daşdıyeva elə faktlar, elə məlumatlar bölüşür ki, Dağbilicidə baş verən adam oğurluqlarının mütəşəkkil qaydada törədilməsinə şübhə qalmır.
“Məmmədmusa Hüseynov bizi qabaqlayırdı, imkan vermirdi ki, gedib qızımıza çataq”
O deyir ki, qızı oğurlanandan 3-4 gün sonra paltarlarını Ləcədi ərazisindəki əkin sahəsində tapıblar.
“Təvəkkül qızımı oğurladığı gün aparıb Ləcədi kəndində Rahimin evində 1 gecə saxlayıb. Rahimi də aldadıb ki, qızı özünə ailə qurmaq üçün aparır. Bundan sonra polislər Təvəkkülü axtarıb tapdılar, məlum oldu ki, İsnov kəndində gizlənib. Amma Məmmədmusa Hüseynov Təvəkkülə danışmağa imkan vermirdi, suallara onun yerinə cavab verirdi. Deyirdi ki, guya Təvəkkül qızım Diləfruzu Qubanın Çiçi kəndinə aparıb, orada fermada yaşayırlar, mal-heyvana baxırlar. Yoldaşıma Məmmədmusa deyirdi ki, neynirsən qızını axtarırsan, gedib axtarıb tapdın, Təvəkkülün əlindən alacaqsan? Belə aldadırdı bizi. Məmmədmusaya deyirdik ki, qızımın yerini bilmək istəyirik ki, gedib baxaq, görək, bəlkə elə ağır şərtlərdə yaşayır? Məmmədmusa Hüseynov bizi qabaqlayırdı, imkan vermirdi ki, gedib qızımıza çataq.
Axır ki, bir gün Şabrandan maşın tutduq, yolandıq Çiçi kəndinə. Orada fermaları gəzdik, adamlardan soruşduq. O kənddə hamı bir-birini tanıyır, dedilər ki, bura belə adamlar gəlməyib. Diləfruzu Çiçidə görən olmayıb. Məlum oldu ki, Məmmədmusa Hüseynov bizi aldadır”.
“Qızı Məmmədmusadan soruş, mən qızı ona təhvil verdim, o da qara maşına qoyub apardı”
Hürü Daşdıyeva deyir ki, qızını Təvəkkül İsmayılov oğurlayandan sonra aparıb Məmmədmusa Hüseynova təhvil verib, bunun əvəzində ondan pul alıb. Onun sözlərinə görə Bakıda, hazırda Ağır Cinayətlərə Dair İşlər üzrə Məhkəmədə (Bakı Ağır Cinayətlər Məhkəməsi-E.M) Təvəkkül İsmayılovdan qızının yerini xəbər alıb.
“Təvəkkül dedi ki, qızı Məmmədmusadan soruş, mən qızı ona təhvil verdim, o da qara maşına qoyub apardı. Dedi ki, Məmmədmusa desin, mən qızı ona verdim, o da mənə pul verdi. Tapşırdı ki, mənimçün qız-gəlin gətir, səni dolandıracağam, səni işlədəcəyəm”.
“Təvəkkül yoldaşıma dedi ki, məni Məmmədmusa aldatdı, dedi qız gətir, səni dolandıracağam”
Hürü Daşdıyeva daha bir maraqlı məqamı vurğulayıb. O, deyib ki, Təvəkkül İsmayılov tutulub Şabran rayon Polis Şöbəsinə gətiriləndən sonra müvəqqəti saxlama yerində onunla görüşüblər. O görüş zamanı Təvəkkül İsmayılov Məmmədmusa Hüseynovu ifşa edib. Onun üzünə deyib ki, 2 il onu gizlədib.
“Təvəkkül Məmmədmusanın üzünə dedi ki, sən məni 2 il çöllərdə yatırtdın, deyirdin ki, sən axtarışdasan. Qardaşım 2 il çölə mənim üçün çörək gətirdi. Deyirdin ki, sən evdə qalma, çöldə gizlən. Elə orada Təvəkkül yoldaşıma dedi ki, məni Məmmədmusa aldatdı, dedi qız gətir, səni dolandıracağam”.
“Qız axtarıldı, pasport da cırılıb atıldı”
Hürü Daşdıyeva deyir ki, qızı yoxa çıxarılandan sonra onun pasportu, fotoları da onlardan alınaraq yoxa çıxarılıb:
“Məmmədmusa qapıya adam göndərmişdi, Diləfruzun pasportunu, fotolarını aldılar. Guya ki, onu axtarırlar. Bizə də bu kağızda şəkilini verdilər. Qızımdan qalan elə yeganə şəkil də elə budur. Başqa bir şəkili də yoxdur. Pasportunu, o qırmızı rus pasportu vardı, ondan idi pasportu da, aldılar, heç qaytarmadılar da. Dedim ki, pasportu qaytarın, dedilər ki, qız axtarıldı, pasport da cırılıb atıldı”.
“O pasportla onu ölkədən çıxarıblar, Diləfruzu satıblar, göndəriblər xaricə”
Hürü Daşdıyevanın sözlərinə görə qızının pasportunu əllərindən Diləfruz Daşdıyevanı ölkədən çıxarmaq üçün alıblar: “O zaman bizdən pasportu alıb apardılar. Bundan sonra bizə deyirdilər ki, Diləfruzun pasportunu nahaq yerə əldə vermişik, o pasportla onu ölkədən çıxarıblar. Diləfruzu satıblar, göndəriblər xaricə”.
Ənvər Müslümov dedi ki, gəl sənin iki bank borcunun ikisini də bağlayım!
Hürü Daşdıyeva araşdırılması zəruri bir məsələni də diqqətə çatdırır:
“Təvəkkül də, Ənvər Müslümov da qonşu Qələgah kəndindən idilər. Təvəkkül Ənvərin çobanı idi. Qızım itəndən sonra, yaram qan verdiyi o günlərdə Ənvər qapımıza gəlmişdi. Mənə dedi ki, bəs eşitmişəm banklara kredit borcların var, istəyirəm sənə kömək edim. Gəl sənin iki bank borcunun ikisini də bağlayım, narahat olma, səni dinib-dindirən olmayacaq. Sən bank verməyəcəksən, sən kredit köçürməyəcəksən. Mən də ona dedim ki, sən mənim nəyimsən ki, mənim bank borcu bağlayırsan? Bilmədim onu qapıma kim göndərmişdi”.
Qızımı itirmişdilər, sənədlərini də itiriblər!!!
Hürü Daşdıyeva deyib ki, qapısından qovandan bir müddət sonra Ənvər Müslümov yenidən onun evinin qarşısında peyda olub:
“Yenə də dedi ki, banklarını bağlayım. Ona dedim ki, bankları almışamsa, özüm də bağlayacağam, sən mənim banklarımla işin olmasın. Dedim məni xətaya salma, qapımdan elə get ki, izin-tozun da qalmasın”.
Hürü Daşdıyeva qızı Diləfruz Daşdıyevanın sənədlərinin kötüyünün Şabran Qeydiyyat Şöbəsindən izsiz itirildiyi faktından da danışıb. Deyib ki, torpaq məsələlərinə görə yaşadıqları ünvanda qeydiyyatda olanların sənədləri lazım olub. Qızı Diləfruz Daşdıyevanın pasportu Məmmədmusa Hüseynov tərəfindən aparıldığından Şabran Qeydiyyat Şöbəsinə üz tutublar: “Orada Diləfruza aid sənədi tapıb bizə verə bilmədilər. O qədər kitabları(qeydiyyat kitablarını nəzərdə tutur – E.M) tökdülər, axtardılar, amma tapmadılar. Qızımı itirmişdilər, sənədlərini də itiriblər. Məmmədmusa özündən sonra iz qoymayıb ki, izi bilinər”.
“Birini atın belinə qoyub, birini də qucağına alıb atın belində aparıb kanala tərəf”
Hürü Daşdıyeva qızı Diləfruz Daşdıyeva itəndən sonra kəndlərindən itən Zamir Məcidovun qızları haqda bunların bilindiyini deyib: “Zamirin iki qızını oğurladılar. O vaxt Mahirin atasının atı vardı, Təvəkkül Zamirin qızları böyürtkən yığanda onları tutmuşdu, atın belinə atıb aparmışdı. O, qızları atıb belinə qoyanda sağ olublar, onları öldürüb bilmirəm. Birini atın belinə qoyub, birini də qucağına alıb atın belində aparıb kanala tərəf. Qızları orada Məmmədmusaya təhvil verib. Bundan sonra o uşaqların da izləri itirilib, onları da görən olmayıb!”
Hürü Daşdıyeva baş prokuror Kamran Əliyevə müraciət edərək qızının və Zamir Məcidovun övladlarının oğurlanmasının yenidən araşdırılmasını da xahiş edib.
P.S Şabran dağlarındakı adam oğurluqları, müəmmalı itkindüşmə və kriminal izli ölüm hadisəsi ilə bağlı araşdırmalarımızın növbəti hissəsini də qarşıdakı günlərdə təqdim edəcəyik. 2007-ci ildə 2 qızı oğurlanmış Zamir Məcidovun baş verənlərin arxasında dayanan fiqur kimi sabiq AMEA prezidenti Ramiz Mehdiyevin adını çəkir. Araşdırmamızın növbəti hissəsində bunun səbəbini biləcəksiniz.

Mətndə səhv var? Onu siçanla seçin və Ctrl+Enter düyməsini basın.
Teqlər:
Tovuzun İcra Başçısı Məmməd Məmmədovun PLANI: İki kəndi bir-birinə DÜŞMƏN ETDİ
Sahil Babayev qənaətə başladı – Dövlət istiqrazlarının bir hissəsi geri çağırılır
Bakıda “Şəfalanma” adı ilə yüzlərlə qadını bir araya toplayan şəxs GÖRÜN KİM İMİŞ – FOTO + VİDEO
Həkimlər Sənan Mehdiyevin həbsinə etiraz edir: “Biz qatil deyilik...”
Nazir Penitensiar Xidmətə yeni rəis təyin etdi - FOTO
Mirsaleh Seyidovun kadrları Sahib Rzayevi ÇƏTİN DURUMA SALA BİLƏR - İLGİNC İDDİALAR
İşsiz qalıb, pensiyasını da bərpa edə bilmir - “3 aydır həkimlərdəyəm”
Qonşusunu öldürərək quyuya atan şəxs: - “Arvadımla münasibətlərindən şübhələnirdim...”
Azərbaycan-Çin münasibətlərinin inkişaf perspektivləri nəzərdən keçirilib
Masallı SULTANLIĞI... - MASALLI SULTANLIQDIR!
Bayır şəhər sakinləri HARAY ÇƏKİR... - ÇARƏSİZLİK...
Gürcüstandan maşın almaq istəyənlərin nəzərinə
Üç uşaq atası ilə birlikdə meyiti tapılan qadın kimdir?
Mərdəkanda yataqxanada yanğın olub
Kimlərə xaş yemək olmaz? - MÜTƏXƏSSİS AÇIQLADI
Cəlilabadda bələdiyyə sədri ürəktutmasından vəfat edib
Azərbaycanın KSQT yanında daimi nümayəndəsi etimadnaməsini təqdim edib
Azərbaycanda saatlıq əməkhaqqı sistemi: yeni qanunda nə deyilir?
Bu gün sizi nə gözləyir? - BÜRCLƏR
Ramiz Mehdiyev cəzasından narazıdır – Apellyasiya şikayəti verdi
Rumıniyada 5.3 bal gücündə zəlzələ - İstanbulda da hiss olunub
Minlərlə uçuş ləğv olunub, banklarda köçürmələr dayandırılıb... - ABŞ-da "Rəqəmsal xaos" yaranıb
Baş redaktor İnam Kərimova müraciət etdi
Qızılın qiyməti aşağı düşüb
Camış əti, saxta kürü… – “Meridian Luks” və digər tanınmış şadlıq saraylarında qida pozuntuları (FOTO/VİDEO)
Quba Mərkəzi Xəstəxanasında qalmaqal - Saxta arayışa görə onlarla işçi işini itirdi
Çingiz Mustafayev, Nizami Orucov və DJ Mansur Bakını tərk etdilər – SƏBƏB
Diqqət: Azərbaycanda siqaret bahalaşacaq
Bülbülə gölü daşdı, Bakıxanovda evləri su basdı - VİDEO
Sumqayıtda həkim dünyasını dəyişdi: 48 yaşlı Şahin Əliyev vəfat etdi
Zakir Həsənov hərbçilərə ali rütbələri təqdim etdi - FOTO
Şəmkirdə evdən kişi və qadın meyitləri tapıldı - YENİLƏNİB
"Heç kim Ceyhun Rzayevə bu sualı ünvanlamadı: 500 min manatı haradan almısan?"
Tanınmış bloger Ehtiram Fərzəlibəyov şirkətinin rəhbərliyindən getdi - BUNDAN SONRA...
Bakıda qarlı havalara hazırlıqla bağlı bir sıra rayonlarda müşavirələr keçirilib - FOTO
Hikmət Hacıyev Avropa İttifaqının yüksəkvəzifəli rəsmiləri ilə görüşüb
Türkiyədə polis “Sözcü TV” telekanalının binasında əməliyyat keçirib, saxlanılanlar var
Qaxda 125 ağac kəsərək nazirliyə 34 minlik zərər vuran şəxsə elektron qolbaq taxıldı
"Vüqar Əsgərov dövlət postunu şəxsi obyekti kimi işlədir..." - İTTİHAM VAR...
Bu günün valyuta məzənnələri
ABŞ Rusiya, Ukrayna və Avropa ilə danışıqlar aparıb
“Azərbaycan strateji əməkdaşlığın gündəliyinə təsir göstərən dövlətdir” - DEPUTAT
Terminallarda 500 AZN-dən artıq məbləğdə pul köçürməsinə yeni qadağalar gəldi - Nələr etməlisiniz?
Azərbaycanda Milli Dirçəliş Günü qeyd edilir
"AZƏRİQAZ"ın DAHA BİR İDARƏSİ TAMAMİLƏ LƏĞV OLUNUR - Yanvarın 1-dən...
Vüqar Əliyev bahalı hədiyyələri kimin üçün sifariş edib?
Kreditlə aldığı maşın ondan xəbərsiz satışa çıxarıldı - VİDEO
Baş redaktor dələduzluq etdiyinə görə həbs edildi
Xaçmazda ev yandı – 90 yaşlı tənha yaşayan qadın yanaraq həyatını itirdi
Tanınmış jurnalist VƏFAT ETDİ - FOTO
Ukrayna ilə bağlı danışıqlarda Avropa hansı formatda iştirak edəcək?
7 yaşlı Nihat ağır xəstədir - Ana xeyirxah insanlardan yardım gözləyir
Direktoru rüsvayedici məlumatları yaymaqla hədələyən sahibkara nə qədər cəza verildi?
Keçmiş deputatın Bakıda ƏMLAK DAVASI
Nazpərinin şıdırğı rəqsi - Video
Yatmazdan əvvəl stressi azaldan 5 içki – Maqneziuma alternativ
“Şəfa” və “Zirə” doğma meydanda qarşılaşacaq
Avropa Liqası: bu gecə 17 oyun keçiriləcək
Aygün Kazımovadan Namiqə ad günü təbriki - Foto
Zaur Rzayev "Qurd qapısı" qəbiristanlığında dəfn olunacaq
Aygün Bəylərin bacıları bir-birindən imtina edib? - şok açıqlama
Aygün Kazımova möhtəşəm festivalın bağlanış günündə - FOTO