İsrail ordusu Qəzzanın cənubunda Beynəlxalq Qızıl Xaç Komitəsinə (BQXK) məxsus binaya atəş açıb.

Yenisirvanli.İnfo.Az xəbər verir ki, İsrail ordusu Qəzza zolağına hücumlarını davam etdirir. İsrail ordusu Qəzzanın Rəfah şəhərində Beynəlxalq Qızıl Xaç Komitəsinə (BQXK) məxsus binaya atəş açıb. Ordudan verilən açıqlamada İsrail qüvvələrinin şübhəliləri müəyyən etdiyi və təhlükə hiss etdikdən sonra binaya atəş açıldığı bildirilib. Atışma zamanı binanın kimə məxsus olduğunun bilinmədiyi  vurğulanıb: "Xəsarət alan olmasa da, binaya cüzi ziyan dəyib. 

Araşdırmadan sonra binanın Qızıl Xaç Cəmiyyətinə aid olduğu məlum olub".
Hücumda ölən və yaralanan olmasa da, BQXK bunu qəti şəkildə pisləyib.

 Yenisirvanli.İnfo.Az