Yenisirvanli.İnfo.Az xəbər verir ki, Türkiyə prezidenti Rəcəb Tayyib Ərdoğan Türkiyə, Səudiyyə Ərəbistanı və Pakistanın Məkkədə birgə müdafiə sazişinin imzalanması istiqamətində addımlar atdığını açıqlayıb.

Ərdoğanın sözlərinə görə, üç ölkənin bu təşəbbüsü İslam dünyasına mühüm mesaj vermək məqsədi daşıyır. O, hazırda sazişlə bağlı prosesdə müsbət irəliləyişlərin müşahidə olunduğunu qeyd edib.

Türkiyə prezidenti bildirib ki, Ankara müsəlman dünyasının qarşılaşdığı çətinliklərin mümkün qədər qısa müddətdə aradan qaldırılmasında maraqlıdır. Onun sözlərinə görə, Türkiyə bu məqsədlə regiondakı rolunu və təsir imkanlarını daha da gücləndirməyə çalışır.

Ərdoğan vurğulayıb ki, Türkiyənin regional siyasətində əsas istiqamətlərdən biri müsəlman ölkələri arasında əməkdaşlığın genişləndirilməsi və mövcud problemlərin həllinə töhfə verməkdir.

Yenisirvanli.İnfo.Az