Malatyada qadın onu narahat edən kişini güllələyib.

 Yenisirvanli.İnfo.Az xəbər verir ki, Malatyanın Pütürgə rayonunda qadın onu narahat etdiyini iddia etdiyi kişini ayaqlarından vurub və həmin anları telefonla çəkərək sosial şəbəkədə yayıb.

Hadisə günorta saatlarında Pütürgənin Köylü kəndində baş verib. Nuray Ş. adlı qadın, S.D. adlı kişi ilə mübahisə edib. Mübahisə zamanı qadın çantasından çıxardığı tapança ilə kişinin ayaqlarına atəş açıb.

Hadisədən sonra qadın telefonla çəkdiyi görüntüləri sosial şəbəkə hesabında paylaşıb və ərazidən uzaqlaşıb.

Hadisə yerinə çağırılan təcili tibbi yardım S.D.-ni Pütürgə Dövlət Xəstəxanasına aparıb.

Qadın isə polis tərəfindən silahla birlikdə saxlanılıb və ifadəsi alınmaq üçün bölməyə aparılıb.

 Yenisirvanli.İnfo.Az