Ötən həftənin şənbə və bazar günləri də vətəndaşların bank kartlarından müxtəlif kiber üsullarla pul oğurluqları olub.

Yenisirvanli.İnfo.Az xəbər verir ki, Daxili İşlər Nazirliyinin mətbuat xidmətinin rəisi Elşad Hacıyev növbəti dəfə vətəndaşlara səslənərək bildirib ki, kartın üzərindəki CVV/CVC kodu, SMS vasitəsilə göndərilən OTP kodu məxfi məlumatlardır və bu məlumatlar naməlum şəxslərə verildiyi halda hesabda olan pullar, yaxud pul yoxdursa, kredit formasında vəsaitlərin oğurlanma riski yaranır:

“Ötən həftənin şənbə və bazar günü ayrı-ayrı vətəndaşların müxtəlif kiber üsulla 11000, 750, 430, 403, 200, 100, 72, 69, 7 manat və 51 dollar vəsait bank kartlarından talanıb. Hər bir fakt şəxsi bank məlumatlarının naməlum şəxslərə verilməsi nəticəsində baş verib”.

 Yenisirvanli.İnfo.Az