Kibercinayət üsullarının dəyişdiyi, niyyətin dəyişmədiyi daha bir gün – 36051 manat zərər olub. Bir gündə kartlardan bu qədər vəsait oğurlanıb.

Yenisirvanli.İnfo.Az xəbər verir ki, bu barədə məlumatı Daxili İşlər Nazirliyinin mətbuat xidmətinin rəisi Elşad Hacıyev paylaşıb. O bildirib ki, aprelin 29-da 21 fakt üzrə ayrı-ayrı vətəndaşların bank kartlarından 14900, 6900, 2997, 1863, 1600, 1530, 1000, 1000, 1000, 999, 360, 346, 300, 268, 212, 188, 100, 100, 100, 88, 50 manat pul oğurlanıb:

“Kartın üzərindəki CVV/CVC kodu, SMS vasitəsilə göndərilən OTP kodu, digər sizə məxsus sistemlərə giriş üçün lazım olan loqin və şifrələr, kartın PİN kodu məxfi məlumatlardır. Bu məlumatlar naməlum şəxslərə verildiyi halda hesabınızda olan pullar, yaxud pul yoxdursa, kredit formasında Sizə zərər vuracaqlar”.

Yenisirvanli.İnfo.Az