Türkiyənin Antalya bölgəsindəki meşə yanğını qarşsıalınmaz frazaya daxil olub.

Yenisirvanli.İnfo.Az Türkiyə mətbuatına istinadla xəbər verir ki, Antalyanın Aksu rayonunda başlayan meşə yanğını güclü küləyin təsiri ilə sürətlə genişlənib.

Məlumata görə, 866 nəfərlik şəxsi heyət, 149 su tankeri, 7 TOMA avtomobili və 25 tikintitexnikasiyla  müdaxilə edilən yanğının təhdid etdiyi yaşayış məntəqələrindən əhalinin təxliyyəsinə başlanılıb.

 Antalya Böyükşəhər Bələdiyyəsinin sədr müavini Büşra Özdəmir deyib ki, yanğının qarşısını alınması üçün hətta sərəncamlarına yeni verilən nömrəsiz texnikaları da işə salıblar: “Bütün gücümüzlə yanğını söndürməyə çalışırıq. Təhlükə altında olan yaşayış məntəqələrindən vətəndaşlar, o cümlədən heyvanlar təxliyə olunur. Ətraf bölgələrdən də köməyimizə gələnlər var. Gecə boyu yanğının  ərazidəki yaşayış məntəqələri və fabrikə keçməməsi üçün işçilər durmadan fədakarlıqla çalışıblar. Hazırda güclü külək işimizi çox çətinə salıb. İnşallah, yanğını nəzarətə alacağıq..."