"Bu təhlükənin mənbəyi ABŞ-dən kənarda, əsas ticarət tərəfdaşlarının daxili iqtisadi siyasətlərində və qlobal ticarət sistemindəki struktur disbalansındadır. Bununla da ölkədə fövqəladə vəziyyət elan edirəm", - deyə o qeyd edib. 

Tramp vurğulayıb ki, ABŞ-nin əsas ticarət tərəfdaşları ilə iqtisadi münasibətləri son dərəcə balanssızlaşıb.

Buna görə də ABŞ lideri Azərbaycan (10%) da daxil olmaqla 185 ölkədən idxal olunan mallara rüsumlar tətbiq edib. 

Qərara görə, baza dərəcəsi 10 faiz olacaq. Hər bir ölkə üçün əlavə rüsumlar tətbiq olunacaq. Xüsusilə, Avropa İttifaqından gələn mallar amerikalılar üçün 20 faiz bahalaşacaq.

Tramp tariflərdən əldə edilən gəliri ölkənin milli borcunu ödəmək üçün istifadə edəcəyinə söz verib: "İndi çiçəklənmək və vergilərimizi azaltmaq və milli borcumuzu ödəmək üçün trilyonlarla  dollarlardan istifadə etmək növbəsidir və hər şey çox tez baş verəcək".

Ağ Evin rəhbəri ölkələrin Amerika mallarına tətbiq etdiyi rüsumların və Vaşinqtonun cavab tədbirlərinin sadalandığı cədvəli də göstərib. Ən yüksək tariflər Kambocada (49 faiz), Vyetnamda (46), Taylandda (36), Çində (34), Tayvanda (32) və Cənubi Afrikada (30) aşkar edilib.

Rusiya isə Trampın siyahısında yer almayıb. Siyahıda Belarus, İran, Kanada və Meksika da yoxdur. Daha sonra ABŞ-nin maliyyə naziri Skott Bessent izah edib ki, Moskva ABŞ-nin tariflər siyahısında deyil, çünki sanksiyalar səbəbindən ABŞ onunla ticarət etmir.

Tramp hətta Sakit Okeandakı kimsəsiz Heard və McDonald adalarına da rüsumlar tətbiq edib. Avstraliyaya aid olan bu vulkanik birləşmələrdə heç bir bitki örtüyü belə yoxdur və pinqvin koloniyaları yaşayır. Amerika liderinin bu ərazidən hansı konkret mallara 10 faizlik rüsum tətbiq etməyə qərar verdiyi açıqlanmır.

O, həmçinin idxal olunan avtomobillərə, yüngül yük maşınlarına və avtomobil hissələrinə 25 faiz rüsum tətbiq edən sərəncam imzalayıb.Unikal