Bacısı oğlunun şərlənərək həbs olunduğunu deyən Sulutəpə sakini niyə məhkəmə prosesinə buraxılmayıb? - ŞİKAYƏT / VİDEO

Yenisirvanli.İnfo.Az xəbər verir ki, Bakı şəhəri, Sulutəpə qəsəbəsi, R.Allahverdiyev 105 A ünvanında yaşayan Şükürov Hikmət Əliheydər oğlu tərəfindən Hurriyyet.az saytının redaksiyasına şikayət məktubu daxil olub.

Bacısı oğlunun şərlənərək həbs olunduğunu iddia edən şikayətçinin məktubunu olduğu kimi dərc edirik:

“Mən, Şükürov Hikmət Əliheydər oğlu, yazaraq bildirirəm ki, Çevik Polis Alayının əməkdaşı, bacım oğlu Sabit Əliyev şərlənərək həbs edilmişdir. Hazırda məhkəməsi gedir. Növbəti məhkəmə prosesi 18.04.2025-ci ildə (bu gün - red.) olacaq.

15.04.2025-ci il tarixində hakim Elşən Təbriz oğlunun sədrlik etdiyi məhkəmədə iştirak etmək istəsəm də icazə verilmədi. Girişdə mühafizə xidmətinin işçiləri bildirdilər ki, telefonları təhvil verməlisiniz, əks halda zala daxil ola bilməyəcəksiz. "Etdiyiniz bu tələb Azərbaycan Respublikasının qanunlarında varmı?", - deyə soruşdum. Bu zaman gözləməyimi məsləhət bildilər.

İclasın başlamasından yarım saat keçdiyi halda, mən hələ də gözləmədə qaldım. 08.04.2025-ci il tarixində keçirilən prosesdə də eyni hal yaşandı.

İndi aidiyyəti qurumlara müraciət edib soruşuram ki, qanunda belə bir tələb yoxdursa, niyə hakimlər bu qanunsuzluğa əl atır?"

Jalə FAMİLQIZI

Redaksiyadan: Müvafiq qurumların mövqeyini dərc etməyə hazırıq.