"Könüllülər koalisiyası" münaqişə bitdikdən sonra Ukraynada ikinci cəbhədə, ön cəbhədən uzaqda öz hərbi kontingentini yerləşdirmək niyyətindədir.

Yenisirvanli.info.az -ın xəbərinə görə, bu barədə Fransa prezidenti Emmanuel Makron RTL radiosunun efirində çıxışı zamanı məlumat verib.

"Biz kontingenti heç vaxt cəbhə zonasında yerləşdirməyi planlaşdırmamışıq, çünki bu bizim vəzifəmiz deyil", - deyə o bildirib.

Fransa liderinin sözlərinə görə, variantlardan biri Kiyev və Odessadakı ehtiyat meydançalarında yerləşdirilmə ola bilər. O əlavə edib ki, bu məsələdə məxfilik məqamı var, çünki hər şey daha mürəkkəbdir. Makron qeyd edib ki, birlik tərəfindən hərbi kontingent formalaşdırılma mərhələsindədir.

Makron qeyd edib ki, Kiyevin təhlükəsizliyini təmin etmək və hərbçilərə təlim keçmək üçün Britaniya, Fransa və Türkiyə əsgərləri döyüş əməliyyatları bitdikdən sonra ölkə ərazisində olacaqlar.

Bundan əvvəl isə Avropa Komissiyasının nümayəndəsi Paula Pinyu "Könüllülər koalisiyası"nın tərkibindən Ukraynaya silah tədarükü üzrə kontakt qrupunun növbəti iclasının noyabrın 25-də keçiriləcəyini açıqlamışdı. Onun sözlərinə görə, iclas videokonfrans şəklində keçiriləcək. Pinyu əlavə məlumat verməyib.