Ukrayna Prezidenti Volodimir Zelenski Böyük Britaniyanın Kralı III Çarlza Kiyevə dəstəyini açıq şəkildə ifadə etdiyi üçün təşəkkür edib.

Yenisirvanli.info.az  xəbər verir ki, Zelenski bu barədə "X" sosial şəbəkəsində paylaşım edib.

O, ABŞ Prezidenti Donald Tramp və xanımı Melaniya Trampın da iştirak etdiyi dövlət ziyafətində Kral III Çarlzın Ukraynanın müdafiəsinin vacibliyini vurğulamasını yüksək qiymətləndirib.

"Birlikdə çox şey əldə etdik və azadlıqsevər xalqlar - Böyük Britaniya, Avropa tərəfdaşlarımız və ABŞ-nin dəstəyi ilə dəyərlərimizi müdafiə etməyə və həyatları qorumağa davam edirik", - deyə Zelenski bildirib.

Xatırladaq ki, bir gün əvvəl keçirilən təntənəli dövlət ziyafətində Kral III Çarlz Ukraynaya dəstəyini bəyan edib və ABŞ Prezidenti Donald Trampı sülhün təmin edilməsi üçün mürəkkəb münaqişələrin həllinə şəxsi sadiqliyinə görə tərifləyib.