Baş nazir Benyamin Netanyahunun Qəzzanı tamamilə hərbi nəzarətə götürmək planını İsrailin Təhlükəsizlik Şurası təsdiqləyib.

Yenisirvanli.İnfo.Az xarici mətbuata istinadla xəbər verir ki, bu plana əsasən, İsrail ordusu tezliklə Qəzza zolağının tamamına yerləşəcək.

ABŞ mərkəzli “Axios” xəbər saytı isə yazır ki, İsrail rəsmisi ordunun planlaşdırdığı hücum yalnız Qəzza şəhərini əhatə edəcək: "Bura qaçqın düşərgələri və ya digər yeni köçkün düşərgələri daxil deyil. Planda əsas məqsəd bu iliin oktyabrın 7-dək Qəzza şəhərindəki bütün mülki əhalini məcburi şəkildə mərkəzi və ətraf ərazilərdəki qaçqın düşərgələrinə köçürməkdir. Bunun ardınca şəhərdə qalan HƏMAS üzvlərinə qarşı qurudan hücum başlanacaq və onlar Trampın dediyi kimi, bir-bir "ovlanacaq"".

İsrailin aparıcı “Yediot Aharonot” qəzeti isə yazıb, Təhlükəsizlik Şurasının iclasında beynəlxalq etirazlara görə “işğal” və ya "ilhaq" sözündən yayınaraq, "nəzarət" termini qabardılıb.

Qəzetə bu haqda açqlama verən adı açıqlanmayan İsrail rəsmisi deyib: "Niyyətimiz Qəzzanı əlbəttə ki, tamamilə ilhaq etməkdir, lakin biz beynəlxalq hüquqa uyğun olaraq, rəsmi sənədlərdə və açıqlamalarda "nəzarət" ifadəsindən istifadə edirik".

 
 Yenisirvanli.İnfo.Az