Yosunlar, lil və digər bioloji qalıqlar… Ətraf tullantılarla dolu, qarışıq qoxudan ərazidə ayaq saxlamaq mümkün deyil… Qumsal əraziləri isə alaq otu və qamışlıq basıb…

Yenisirvanli.İnfo.Az Xezerxeber.az-a istinadən xəbər verir ki, görüntülər Bayraq meydanının yaxınlığından, Xəzər dənizinin sahilboyu ərazilərindəndir. Suyun geri çəkilməsi ciddi şəkildə görünür. Dəniz suyunun çəkilməsi nəticəsində üfunətin yayılması  yolunu bulvardan salan şəhər sakinlərini də narahat edir.

Suyun çəkilməsi sahil zolağında dəniz dibindəki çöküntüləri də üzə çıxarıb.

Ekologiya və Təbii Sərvətlər Nazirliyinin Xəzər Kompleks Ekoloji Monitorinq İdarəsindən “Xəzər Xəbərə”ə bildirldi ki, Bakı buxtasının Ağ şəhər ərazisindən dövlət bayrağı meydanınadək olan sahil zolağında neft ləkələrinin müşahidə olunması, iy və qoxunun ətrafa yayılması halları baş verir. Aparılan monitorinqlər zamanı sözügedən ərazilərdə sahilboyu müşahidə olunan neft ləkələrinin tərkibinin və çirkləndirilmə səviyyəsinin müəyyənləşdirilməsi məqsədilə dənizdən və çirklənmiş torpaqdan nümunələr götürülüb, hazırda araşdırmalar davam etdirilir.

Xezerxeber.az mövzu ilə bağlı videomaterialı təqdim edir.