ABŞ-nin İranla imzaladığı anlaşma memorandumuna, o cümlədən Hörmüz boğazının idarə olunmasına dair bəndin icrasına sadiq qalması Tehranın Vaşinqton nümayəndələri ilə dolayı danışıqların bərpası üçün şərtidir.

Yenisirvanli.İnfo.Az bildirir ki, bu barədə "Tasnim" agentliyi xəbər verir.

Agentliyin mənbələrinə görə, Pakistan ordusunun baş komandanı Asim Munirin Tehrana səfəri zamanı ona İranın mövqeyi çatdırılıb:

"Vaşinqtonun İslamabad sazişinə (anlaşma memorandumuna) qayıtması və onun müddəalarının, o cümlədən İranın Hörmüz boğazını idarə etməsi haqqında 5-ci maddənin icrası İslam Respublikasının dialoqun bərpası üçün əsas şərtlərindən biridir".

Qeyd olunur ki, Pakistan tərəfi bu mövqeyi ABŞ-yə çatdırmağa çalışır.

Bildirilir ki, Munirin İran rəhbərliyi ilə görüşləri zamanı Pakistan Silahlı Qüvvələrinin baş komandanı ABŞ-dən Tehrana ünvanlanmış heç bir təhdid və ya oxşar mesaj ötürməyib, əksinə, danışıqların bərpası və davam etdirilməsi üçün şərait yaratmağa çalışıb.

Yenisirvanli.İnfo.Az