Ermənistanın Baş naziri Nikol Paşinyanın sədrliyi ilə Təhlükəsizlik Şurasının növbəti iclası keçirilib.

“Yenisirvanli.info.az” “Armenpress” agentliyinə istinadən xəbər verir ki, iclasda ölkə Prezidenti Vaaqn Xaçaturyan, Ermənistan Milli Məclisinin sədri Alen Simonyan və digər yüksəkrütbəli rəsmi şəxslər iştirak ediblər.

Məlumata görə, müzakirələrin əsas mövzusu regiondakı mövcud təhlükəsizlik vəziyyəti və nəqliyyat kommunikasiyalarının normal fəaliyyətinin təmin edilməsi ilə bağlı məsələlər olub. 

Qeyd olunub ki, Baş nazir mövcud çağırışlar fonunda təhlükəsizlik tədbirlərinin gücləndirilməsi və kommunikasiya xətlərinin açılması prosesi ilə bağlı məsul şəxslərə müvafiq tapşırıqlar verib.