Avropa İttifaqı Rusiya aktivləri hesabına qaytarılacaq 50 milyard avroluq proqram çərçivəsində Ukrayna üçün 11 milyard avro məbləğində yeni kredit hazırlayacaq.

 Yenisirvanli.İnfo.Az xəbər verir ki, məlumatı Avropa Komissiyasının sədri Ursula fon der Lyayen Aİ sammitindən sonra açıqlayıb: “Biz Rusiyanın dondurulmuş aktivlərindən əldə edilən gəlirdən istifadə etməklə “Yeddilik” qrupundan qalan 11 milyard avro həcmində kredit ayırmağa hazırlaşırıq”.
O, Kiyevin bundan sonra da hərbi və maliyyə dəstəyi alacağını vurğulayıb. Avropa Komissiyasının rəhbəri xatırladıb ki, mayın 9-da Ukrayna müdafiə sənayesinin inkişafı üçün artıq 1 milyard avro alıb, həmçinin Rusiya aktivlərindən əldə olunan gəlirlərdən istifadə edib.

Qeyd edək ki, 50 milyard avroluq kredit proqramı 2023-cü ilin sonunda razılaşdırılıb. Ukrayna bu proqram çərçivəsində artıq 39 milyard avro alıb. Proqram Ukraynaya verilən 50 milyard avroluq kreditin 2042-ci ilə qədər Rusiya aktivlərinin təkrar investisiyasından əldə edilən gəlirdən istifadə etməklə ödənişini nəzərdə tutur. Musavat.com

Yenisirvanli.İnfo.Az