Ermənistan tərəfi hələ də Rusiyanın Ermənistanda baş konsulluğunun açılmasının ləngiməsinin səbəblərini açıqlamır.

Yenisirvanli.İnfo.Az xəbər verir ki, bunu “Sputnik Ermənistan”ın yazılı sorğusuna Respublika Xarici İşlər Nazirliyinin cavabı sübut edir.

Bundan əvvəl Rusiya Xarici İşlər Nazirliyinin rəsmi nümayəndəsi Mariya Zaxarova keçirdiyi brifinqdə vurğulamışdı ki, Moskvanı Sünik vilayətində Baş Konsulluğun işinə tez bir zamanda başlamasının zəruriliyinə inandırmağa ehtiyac yoxdur. Onun sözlərinə görə, gecikmənin səbəbləri ilə bağlı sualı Ermənistan tərəfinə ünvanlamaq lazımdır.

“Sputnik Ermənistan” Ermənistanın baş nazirinə müvafiq sorğu göndərərək prosesin hansı mərhələdə olduğunu, konsulluğun niyə hələ də açılmadığını və ləngimənin nədən ibarət olduğunu soruşub. Cavab Xarici İşlər Nazirliyindən gəlib.

"Sizə bildiririk ki, qaldırılan məsələlərlə bağlı hadisələr inkişaf edərsə, ictimaiyyətə məlumat veriləcək", - Ermənistan Xarici İşlər Nazirliyinin rəsmi cavabında deyilir.

Qeyd edək ki, Ermənistan İran və Fransaya Azərbaycanla sərhəddə baş konsulluq açmağa şərait yaradıb./Publika.az