Azərbaycanlı hərbçilər Qazaxıstanda rus dilində təhsil almaqdan imtina ediblər.

Yenisirvanli.İnfo.Az xəbər verir ki, bunun əvəzində isə onlar qazax dilini öyrənməyi üstün tutublar.

Qazaxıstan Milli Müdafiə Universiteti Azərbaycan hərbçilərinin bu istəyinə görə qazax dili kafedrası açmağı planlaşdırır.

Universitetin rektoru Asker Mustabekov deyib ki, universitetdə adətən Çin, Hindistan və Fransadan gələn hərbçilər ilk olaraq rus dili kurslarına cəlb olunurlar və daha sonra təhsilə başlayırlar.

"Azərbaycanlı hərbçilər isə bunun əvəzində qazax dili kurslarına yazılmaq istədiklərini bildirdilər. Ona görə də sentyabr 1-dən universitetimizdə qazax dilinin tədrisinə başlayacağıq", - Asker Mustabekov əlavə edib.

Yenisirvanli.İnfo.Az