Maqnezium insan orqanizmində 300-dən çox biokimyəvi prosesdə iştirak edən həyati əhəmiyyətli mineraldır. Əsasən əzələ və sinir funksiyaları, enerji istehsalı, qan təzyiqinin və qan şəkərinin tənzimlənməsində rol oynayır. Maqnezium əksikliyi hallarında yorğunluq, əzələ spazmı və zehni gərginlik kimi simptomlar müşahidə oluna bilər.

Yenisirvanli.İnfo.Az maqneziumla zəngin qidaları təqdim edir:

Yaşıl yarpaqlı tərəvəzlər: İspanaq, pazı

Quru meyvələr: Badam, fındıq, qoz

Toxum və çəyirdəklər: Kətan toxumu, balqabaq çəyirdəyi, çia toxumu

Süd və balıq məhsulları: Sardalya, somon, qatıq

Meyvələr: Avokado, banan, quru üzüm

Kakao məhsulları: Tünd şokolad, kakao tozu

Gündəlik maqnezium tələbatı yaş və cinsdən asılı olaraq dəyişir. Yetkin kişilər üçün 400–420 mg, qadınlar üçün isə 310–320 mg təşkil edir. Hamiləlik və laktasiya dövründə bu ehtiyac bir qədər artır.

Əgər pəhrizdə kifayət qədər maqnezium qəbul olunmursa, əlavə maqnezium preparatları istifadə oluna bilər. Lakin bu zaman həkim məsləhəti vacibdir, çünki artıq doza ishal və digər yan təsirlərə səbəb ola bilər.

Mütəxəssislər maqneziumun əsasən təbii qidalardan alınmasını tövsiyə edir.

Yenisirvanli.İnfo.Az