Xəbər verdiyimiz kimi, Kürdəmirin Cəyli kəndində kütləvi zəhərlənmə hadisəsi baş verib. Kənd sakinləri qohumlarla birgə evdə yemək yedikdən sonra qəfildən onların halı pisləşib.

 Yenisirvanli.İnfo.Az xəbər verir ki, ümumilikdə səkkiz nəfər zəhərlənib. Onlardan ikisi uşaqdır.

Sitat.info  hadisənin səbəbini öyrənmək üçün Azərbaycan Qida Təhlükəsizliyi Agentliyi (AQTA) ilə əlaqə saxlayıb.

Qurumdan verilən açıqlamada deyilir ki, Kürdəmir rayonunda məişət şəraitində baş verən hadisənin səbəblərinin müəyyənləşdirilməsi məqsədilə Qida Təhlükəsizliyi Agentliyinin regional bölməsinin əməkdaşları tərəfindən müvafiq qurumlarla birgə araşdırmalar aparılır.

Bildirilib ki, agentliyin mütəxəssisləri hadisə yerinə baxış keçirərək nümunələrin götürülməsi və laborator müayinələrə cəlb edilməsi istiqamətində müvafiq prosedurları icra edirlər.

"İlkin ehtimala görə, hadisə ev şəraitində tələblərə riayət edilmədən hazırlanan və ya düzgün saxlanılmayan müxtəlif qidalardan baş verib. Faktla bağlı araşdırmalar davam edir", - açıqlamada deyilir.

 Yenisirvanli.İnfo.Az