Qusar Rayon Məhkəməsində qəsdən sağlamlığa az ağır zərər vurmada təqsirləndirilən İnarə Quliyevanın (ad, soyadı şərtidir) cinayət işi üzrə məhkəmə istintaqı yekunlaşıb.

Yenisirvanli.İnfo.Az xəbər verir ki, hakim Anar Qasımovun sədrliyi ilə keçirilən prosesdə hökm oxunub.

Məhkəmənin hökmü ilə o, 6 ay müddətə azadlığın məhdudlaşdırılması (elektron qolbaq) cəzasına məhkum edilib.

İttihama görə, hadisə bu ilin əvvəlində Qusar rayonu ərazisində qeydə alınıb.

Belə ki, İnarə Quliyeva zərərçəkmiş Zəminə Səfərzadənin (ad, soyadı şərtidir) yaşadığı evin həyətinə daxil olub, əl zərbələri ilə onun üzünə vurub. Sonra o, zərərçəkmişin saçını yolub, yerə yıxıb başını yerə vuraraq, sağlamlığa yüngül zərər yetirib.

Hadisədən sonra İnarə Quliyeva saxlanılaraq cinayət məsuliyyətinə cəlb edilib. 

Məhkəmədə İnarə Quliyeva elan edilmiş ittiham üzrə özünü təqsirli bilərək deyib ki, zərərçəkmiş Zəminə Səfərzadəni əvvəllər tanımayıb. Əri təqsirləndirilən şəxsə qeyd edib ki, Zəminə onun əxlaqsızlıq etməsini deyərkən eşidib. Hadisə də elə bundan sonra baş verib.

Yenisirvanli.İnfo.Az