ABŞ Prezidenti Donald Tramp Azərbaycan və Ermənistan arasında uzun illər davam edən münaqişənin başa çatdırılmasına töhfə verdiyini bildirib.

Yenisirvanli.info.az  xəbər verir ki, o, bu fikirləri Ağ Evdə keçirilən brifinqdə çıxış edərkən deyib.

Onun sözlərinə görə, Rusiya Prezidenti Vladimir Putin bu nəticəyə təəccübləndiyini ifadə edib.

"Putin mənə dedi ki, bu müharibəni həll etdiyinizə inana bilmirəm", - deyə Tramp bildirib və əlavə edib ki, Moskva bu məsələ üzərində illərlə işləsə də, nəticə əldə edə bilməyib.

ABŞ Prezidenti qeyd edib ki, hər iki ölkənin liderlərini Oval kabinetdə qəbul edib. Onun sözlərinə görə, danışıqlar konstruktiv məcrada keçib və barışıq ruhunda yekunlaşıb.