Nərimanov rayonunda “Ks Baku” adı ilə tanınan kişi geyim mağazasında, 18 yaşı tamam olmamış şəxslərin qanunsuz şəkildə işlədildiyi və işçi hüquqlarının kobud şəkildə pozulduğu aşkar edilib. Redaksiyamıza müraciət  bildirilir ki,  mağazada heç bir əmək müqaviləsi olmadan, gündəlik cəmi 8 AZN qarşılığında azyaşlı işçilərin çalışdırıldığını bildirib.

Qanunsuz Əmək və Minimum Maaşdan Aşağı Ödəniş

2025-ci ilin yanvar ayından etibarən Azərbaycanda minimum əmək haqqı 345 AZN təyin edilib. Lakin “Ks Baku” mağazasında azyaşlı işçilərə gündəlik 8 AZN (aylıq 240 AZN) verilərək bu qanun açıq şəkildə pozulur. Bu, nəinki əmək qanunvericiliyinə ziddir, həm də uşaq əməyinin istismarı kimi qiymətləndirilə bilər.

Vergi Qaçağı Şübhəsi

Mənbənin verdiyi məlumata görə, mağazada müştərilər tez-tez kartla ödəniş edirlər, lakin bu ödənişlər vergi orqanlarına düzgün şəkildə əks etdirilmir. Bu, mağaza sahibinin qara gəlir yaradaraq vergidən yayınması və dövlətin buxarına ziyan vurması deməkdir.

Səlahiyyətli Orqanlar Nə Edir?

Vergilər Nazirliyi və Əmək Müfəttişliyi kimi qurumların dərhal bu məsələyə müdaxilə etməsi və təfərrüatlı araşdırma aparması tələb olunur. Əgər iddialar təsdiq olunarsa, mağaza sahibinə qanuni cəza tətbiq edilməli və zərər çəkən gənc işçilərin hüquqları bərpa edilməlidir.

İddialar ciddi olduğu üçün ictimaiyyət bu işin araşdırılmasını və ədalətin təmin olunmasını gözləyir.

Qarşı tərəfin mövqeyini dərc etməyə hazırıq.Xususi.tv