Azərbaycan Qida Təhlükəsizliyi Agentliyinin rəhbərliyi Bölməsi Şirvanda  qanunsuz fəaliyyət göstərən Regional Ət Kəsim Məntəqəsinin neqativ fəaliyyətinə göz yumur.

YeniSirvanli.İnfo.Az saytının baş redaktoru Qurbanxan Dəmirov KİV-ilə bu barədə qurum sədri Qoşqar Təhməzliyə haqlı iradını bildirib.

Baş redakrotun sözlərinə görə, Şirvan Regional Ət Kəsim Məntəqəsində yol verilən silsilə qanunsuzluqlara rəğmən heç bir tədbir görülməməklə yanaşı,qurumun Salyan Regional bölməsinin rəisi Ruslan Əsgərovun göstəri ilə sahibkarları yersiz olaraq  inzibati məsuliyyətə cəlb edirlər. Hədəf Şirvanda ət kəsimi ilə məşğul olan kiçik sahibkarlardır.

Sahibkar onu da bildirir ki,sözügedən Regional Ət Kəsim Məntəqəsi,Dövlət Su Ehtiyatlar Agentliyinin Şirvan şəhər Sukanal İdarəsi və ETSN-nin 3 Saylı Şirvan İdarəsi  tərəfindən qanunsuz hallara görə cərimələnib.                                                                                                                           

Lakin məsələdən 3 gün keçməsinə baxmayaraq AQTA rəhbərliyi Ət Kəsim Məntəqəsi ilə bağlı heç bir inzibati tədbir görmür.: “Baş verənlər  onu göstərir ki, AQTA rəhbərliyini Regional Ət Kəsim Məntəqəsinin sədri İsmayıl Tərlanovla ülvi tellər bağlayır”..

Qurbanxan Dəmirov  məsələ ilə bağlı ölkə rəhbərliyinə müraciət etdiyini və AQTA tərəfindən heç bir tədbir görülməyəcəyi halda yenidən ölkə rəhbərliyinə çoxsaylı müraciətlər edəcəyini bildirir.

Yenisirvanli.İnfo.Az