Azərbaycanla Gürcüstan arasında dəmir yolu ilə sərnişin daşınmasının mayın 1-dən bərpa olunması gözlənilir. Sözügedən tarixə artıq sayılı günlər qalıb. Ancaq Azərbaycan rəsmilərindən bununla bağlı gözlənilən heç bir açıqlama verilməyib. Bu da qonşu Gürcüstana yolun açılması ehtimalını azaldır. Maraqlıdır, iki ölkə arasında dəmir yolu ilə sərnişin daşınması mayın 1-dən bərpa olunacaqmı?

 Yenisirvanli.İnfo.Az xəbər verir ki, mövzu ilə bağlı Tribunainfo.az-a danışan Real Partiyasının sədri, iqtisadçı Natiq Cəfərli bildirib ki, hələlik Azərbacan tərəfdən belə bir açıqlama yoxdur. Ancaq Gürcüstan rəsmilərinin israrı və istəyi var:

“Bu yolun açılması Gürcüstan üçün daha vacib görünür. Çünki turizmin inkişafı və Azərbaycandan gələn sərnişin sayının çoxalmasını istəyirlər. Ancaq Azərbaycan tərəfdən hələlik rəsmi təsdiq yoxdur. Yeganə rəsmi məlumat “Azərbaycan Dəmir Yolları” rəsmilərindən birinin bununla bağlı açıqlaması idi ki, dəmiryolları olaraq buna hazırdılar. Sadəcə buna bir siyasi qərar lazımdır ki, bu qərardan sonra dəmir yolları bu işə başlaya bilərlər”.

Yenisirvanli.İnfo.Az