NATO Türkiyənin Malatya vilayətində “Patriot” hava hücumundan müdafiə sistemini yerləşdirib.

“Yenisirvanli.info.az” xəbər verir ki, bu barədə Türkiyənin Milli Müdafiə Nazirliyi bəyanat yayıb.

“Bölgəmizdə cərəyan edən son hadisələr fonunda sərhədlərimizin və hava məkanımızın təhlükəsizliyinin təmin edilməsi üçün zəruri tədbirlər görülür, NATO və müttəfiqlərimizlə məsləhətləşmələr aparılır. Milli səviyyədə görülən tədbirlərə əlavə olaraq, NATO tərəfindən hava və raket müdafiəsi üzrə tədbirlər gücləndirilib. Bu tədbirlər çərçivəsində hava məkanımızın müdafiəsini təmin etmək məqsədilə Malatyada “Patriot” sistemi yerləşdirilib”, - bəyanatda deyilir.

Bildirilib ki, Ankara regional sülh və sabitliyin təmin edilməsi istiqamətində səylər göstərərək, regiondakı hadisələri NATO və müttəfiqlərlə koordinasiyalı şəkildə qiymətləndirməyə davam edəcək.

Xatırladaq ki, son günlərdə İrandan buraxılan və Türkiyənin hava məkanına doğru irəlilədiyi müəyyən edilən 2 ballistik raket zərərsizləşdirililib.