"Vaşinqton Administrasiyası Omanda İran nümayəndələri ilə danışıqlar aparmağa razılıq verib və məsləhətləşmələrin fevralın 6-da keçirilməsi gözlənilir".

Yenisirvanli.info.az xəbər verir ki, bu barədə ABŞ-nin "Axios" internet portalının jurnalisti Barak Ravid sosial şəbəkə hesabında məlumat verib.

"ABŞ və İran arasında nüvə danışıqlarının cümə günü Omanda keçirilməsi gözlənilir. Tramp administrasiyası İran tərəfinin xahişi ilə danışıqları Türkiyədən başqa yerə köçürməyə razılıq verib. Ərəb və müsəlman dövlətlərinin Oman danışıqlarında iştirak edib-etməyəcəyi ilə bağlı məsləhətləşmələr hələ də davam edir", - deyə jurnalist ərəb dövlətindəki mənbələrinə istinadən yazıb.

Sözügedən portal daha əvvəl İranın ABŞ ilə danışıqların formatını ikitərəfli formata dəyişdirmək və məkanı İstanbuldan Omana köçürmək niyyətində olduğunu bildirmişdi.