ABŞ Prezidenti Donald Tramp mətbəx mebeli də daxil olmaqla, müəyyən növ mebellərə tətbiq edilən tarif artımlarını bir il müddətinə təxirə salıb.

Yenisirvanli.info.az  xəbər verir ki, bu barədə Ağ Evdən məlumat verilib.

Məlumata görə, ABŞ əvvəllər 2026-cı il yanvarın 1-dən etibarən bu məhsullar üzrə tarif dərəcəsini 25% səviyyəsində artırmağı planlaşdırıb. Bəzi mebel növləri üzrə rüsumların 30%-ə, digərlərində isə 50%-ə qədər artırılacağı gözlənilirdi.

Vaşinqton Administrasiyası ABŞ-yə mebel tədarük edən bir neçə ölkə ilə davam edən ticarət danışıqlarının məhsuldar olduğuna inanaraq, belə addım atıb.

Xəbərdə bildirilir ki, ABŞ-yə ən böyük mebel ixracatçıları Vyetnam, Kanada, Çin və Meksikadır.