Rusiya Prezidenti Vladimir Putin aprelin 19-nun keçmiş Sovet İttifaqı xalqına qarşı törədilən soyqırımı qurbanlarının Anım Günü elan edilməsi haqqında qanun imzalayıb.

Yenisirvanli.info.az Rusiya mətbuatına istinadən xəbər verir ki, müvafiq sənəd hüquqi aktların dərc edildiyi rəsmi portalda yerləşdirilib.

Qanun 2026-cı il yanvarın 1-dən qüvvəyə minəcək.

"1943-cü ilin 19 aprelində 39 nömrəli fərman verilib. Bu, nasistlərin işğal olunmuş ərazilərdə dinc sakinləri məhv etmək üçün məqsədyönlü və genişmiqyaslı siyasətini təsdiqləyən ilk rəsmi hüquqi akt olub", - deyə Rusiya Dövlət Dumasının rəsmisi İrina Yarovaya anım gününün sözügedən tarixə salınmasını əsaslandırıb.