"Rusiya, Ukrayna və ABŞ gələcəkdə biznes tərəfdaşlarına çevrilə bilər".

Yenisirvanli.info.az  "The Wall Street Journal" nəşrinə istinadən xəbər verir ki, bunu ABŞ prezidentinin xüsusi nümayəndəsi Stiven Uitkoff deyib.

Onun sözlərinə görə, ABŞ-nin Ukrayna münaqişəsinin həlli ilə bağlı sülh planı həyata keçərsə, yenidən qarşıdurma yaranmaması üçün belə variant tərəflər üçün faydalı olar.

"Rusiyanın böyük resursları və ərazisi buna imkan verir. Əgər biz müharibənin həlli ilə bağlı planı həyata keçirsək, bu, gələcək münaqişələrə qarşı müdafiə rolunu oynayacaq. Çünki bütün tərəflər bundan faydalana bilər", - deyə Uitkoff vurğulayıb.