Meksikanın Hermosilyo şəhərində mağazada baş verən yanğın nəticəsində dördü uşaq olmaqla azı 22 nəfər ölüb.

Yenisirvanli.info.az  bu barədə "El Universal" nəşrinə istinadən xəbər verir.

Bildirilir ki, daha 12 nəfər müxtəlif dərəcəli yanıq xəsarətləri alıb və xəstəxanaya yerləşdirilib.

Qeyd edilir ki, mağazada yanğın partlayışdan sonra baş verib. Yanğın mağazanın girişində başlayıb, bu səbəbdən bir çox alıcı içəridə təcrid olunmuş vəziyyətdə qalıb.

Yanğın lokallaşdırılaraq qonşu binalara yayılmasının qarşısı alınıb. Yanğının baş vermə səbəbləri qismində nəzərdə keçirilən versiyalara texniki nasazlıq və alışan materialların mümkün mövcudluğu daxildir.