Türkiyədə bu il qeyd olunan Qurban Bayramı münasibətilə ölkənin bir çox şəhərlərində ictimai nəqliyyat xidmətləri və bəzi ödənişli avtomobil yolları pulsuz elan edilib. Məqsəd bayram günlərində vətəndaşların rahat və təhlükəsiz səfər etmələrini təmin etmək olub.

Yenisirvanli.İnfo.Az xəbər verir ki,Türkiyə mətbuatına istinadən xəbər verir ki, İstanbul Böyükşəhər Bələdiyyəsi (İBB) bayram günlərində şəhər daxilində fəaliyyət göstərən metro, avtobus, tramvay və şəhər hatları (baxarlı dəniz nəqliyyatı) vasitələrindən istifadəni tamamilə pulsuz edib. Həmçinin bəzi əsas bərə xətlərində gecə səfərləri də əlavə olunub.

Ankarada EGO nəqliyyat vasitələri, o cümlədən avtobus və metro xətləri bayram günlərində sərnişinlərə ödənişsiz xidmət göstərib. Bundan əlavə, qəbiristanlıqlara xüsusi ring avtobus xətləri təşkil olunub ki, bu da bayramda yaxınlarının məzarlarını ziyarət etmək istəyən sakinlərin işini asanlaşdırıb.

İzmir şəhərində də oxşar tədbirlər görülüb. ESHOT, İZULAŞ, metro, tramvay və İZBAN xətləri bayram boyunca pulsuz fəaliyyət göstərib. Şəhərdə yerləşən əsas qəbiristanlıqlara əlavə avtobus marşrutları açılıb və günün müxtəlif saatlarında gücləndirilmiş səfərlər təşkil edilib.

Bursa, Şanlıurfa, Sakarya və bir sıra digər şəhərlərdə də bələdiyyələr tərəfindən pulsuz nəqliyyat xidməti tətbiq olunub. Eyni zamanda, Ulaştırma və Altyapı Nazirliyi tərəfindən verilən qərarla dövlət nəzarətində olan əsas körpülər və avtomobil yolları (Fatih Sultan Mehmet və 15 İyul Şəhidlər körpüləri daxil olmaqla) bayram günlərində sürücülər üçün pulsuz elan edilib.

Beləliklə, bu il Qurban Bayramı Türkiyədə həm mənəvi, həm də praktiki baxımdan daha əlverişli şəraitdə qeyd olunub. Rəsmilər bu qərarların insan sıxlığını tənzimlədiyini, nəqliyyatdakı yükü azaltdığını və vətəndaş məmnuniyyətinə müsbət təsir etdiyini bildiriblər.