Avropa ölkələri ABŞ-dan yeni anti-Rusiya sanksiyaları tətbiq etməyi xahiş etməzdən əvvəl Ukrayna ilə bağlı mayın 15-də İstanbulda keçirilməsi planlaşdırılan danışıqlara qədər gözləmək qərarına gəliblər.

Yenisirvanli.İnfo.Az xəbər verir ki, bu haqda mənbələrə istinadən “Bloomberg“ məlumat yayıb.

Mənbələrin sözlərinə görə, 12 mayda ABŞ Avropa rəsmilərini Rusiya və Ukraynaya Ankarada birbaşa danışıqlar aparmaq imkanı yaratmaq niyyəti barədə məlumatlandırıb.

Məhz bu danışıqlardan sonra Moskvaya qarşı təzyiqin artırılması məsələsi gündəmə gətiriləcək.

Əgər Vladimir Putin Volodimir Zelenski ilə görüşdən imtina edərsə və ya Rusiya dərhal, qeyd-şərtsiz atəşkəslə razılaşmazsa, Avropa liderləri ABŞ Prezidenti Donald Trampı yenidən məhdudlaşdırıcı tədbirlər görməyə çağırmaq niyyətindədirlər.

Lakin məlumatlara görə, ABŞ administrasiyası hələlik Rusiyaya qarşı əlavə sanksiyalarla bağlı yekun qərar qəbul etməyib.

Yenisirvanli.İnfo.Az