İngiltərədə polis əməkdaşı Choni Kenny cinayətkarlara məlumat ötürdüyü və onlardan biri ilə münasibət qurduğu üçün həbs edilib.

Yenisirvanli.İnfo.Az Mirror-a istinadla xəbər verir ki, qadın 3 il 9 ay müddətinə azadlıqdan məhrum edilib.

Onun polis formasında həbsxanada Whelan ilə öpüşdüyü görüntülər üzə çıxıb.

27 yaşlı Choni Kenny 2020-ci ildən Mançester şəhərində polis işləyirdi. Məhkəmə istintaqında məlum olub ki, o, əvvəllər məktəb yoldaşı olmuş Rahim Mottley ilə əlaqədə olub və başqa cinayətkar olan Josh Whelan ilə də yaxın münasibət yaşayıb.

Whelan 2021-2023-cü illərdə həbsdə olarkən 20 mobil telefondan istifadə edib və bu telefonlar Kenny tərəfindən təmin olunub. Kenny həmçinin polis sisteminə daxil olaraq gizli məlumatları Whelan və Mottley ilə bölüşüb. O, silahlı əməliyyat barədə öncədən xəbər verib.

Mottley İspaniyada həbs olunaraq İngiltərəyə ekstradisiya edilib. Kenny isə aprelin 1-də keçirilən təcili iclasda işdən azad olunub. Mançester Polis İdarəsinin rəisi onu "mənəviyyatsız və polis adını daşımağa layiq olmayan biri" adlandırıb.

Məhkəmədə Kenny öz günahını etiraf edib və dörd dəfə vəzifə səlahiyyətlərini aşmaqda, bir dəfə isə bu cinayətlə bağlı plan qurmaqda ittiham olunub. Mottley 2 il 4 ay, Whelan isə 2 il 8 ay həbs cəzası alıb.

İsmayıl
Milli.Az