Tezliklə yeganə həkimini itirəcək ucqar Avstraliya şəhəri, maaşı 428,000 dollara qədər olan yeni həkim axtarır.

Yenisirvanli.İnfo.Az xəbər verir ki,  bu işi qəbul edəcək həkim kirayə pulu verməyəcək və avtomobillə də təmin olunacaq.

Avstraliyanın Kvinslend əyalətində 500 nəfərlik ucqar qəsəbə olan Culiya Krik işdən ayrılan həkimin yerinə yeni həkim axtarır.

Qəsəbəyə ən yaxın böyük şəhər olan Taunsville buradan 7 saatlıq məsafədədir.

Hazırda burada həkim olaraq çalışan Adam Louvs  onu əvəz edəcək şəxsin daha sakit həyat tempinə və əvvəllər heç vaxt istifadə etmədiyi bacarıqları öyrənmək şansına malik olacağını deyib.

Louvs 2022-ci ildə buraya gəlməzdən əvvəl şəhərin 15 il ərzində daimi həkimi olmayıb və buranı qısamüddətli ziyarət edən həkimlərin siyahısı olub.

Qeyd edək ki, bu, onilliklərdir ki, Avstraliyada və dünyanın müxtəlif yerlərində ucqar qəsəbələri narahat edən problemdir.

Avstraliyada hökumətin 2024-cü il hesabatına görə, ölkə daxilində 2500 həkim çatışmazlığı var və bu çatışmazlığın ucqar bölgələrdə artacağı gözlənilir./Lent.az

 Yenisirvanli.İnfo.Az