"Azərbaycanın işğaldan azad olunmuş əraziləri və Naxçıvan Muxtar Respublikasında halal sənayenin inkişafı üçün münbit şərait yaranacaq".

Yenisirvanli.info.az  xəbər verir ki, bunu Azərbaycan Qida Təhlükəsizliyi Agentliyinin sədri Qoşqar Təhməzli 2-ci Azərbaycan Halal Biznes (AZHAB) Forumunun açılış mərasimində çıxışı zamanı deyib.

O bildirib ki, Azərbaycanın işğaldan azad olunmuş əraziləri və Naxçıvan Muxtar Respublikasında ÜST tərəfindən xəstəlikdən azad zonalar elan olunub.

"Xəstəlikdən azad zonalarda xüsusilə təhlükəli heyvan xəstəliklərindən azad status əldə olunduqdan sonra o ərazilərdə halal sənayenin inkişafı üçün münbit şərait yaranacaq. Fürsətdən istifadə edərək Azərbaycan sahibkarlarını həm Naxçıvan Muxtar Respublikasında, həm də işğaldan azad olunmuş ərazilərdə bu işdə yaxından iştirak etməyə dəvət edirəm".