Neftçilərin fərdi şəxsi hesablarında son günlərdə ümumi pensiya kapitalının məbləğində rəqəm dəyişikliyi baş verib. Daha dəqiq desək, məbləğ azaldılıb.

Yenisirvanli.İnfo.Az xəbər verir ki, bu barədə “Neftçilərin Hüquqlarının Müdafiə Təşkilatı”nın sədri Mirvari Qəhrəmanlıya neftçilər özləri məlumat verib. M.Qəhrəmanlı bildirib ki, aidiyyəti qurumlar bu məsələyə aydınlıq gətiməlidir:

“Əmək və Əhalinin Sosial Müdafiəsi Nazirliyinin rəsmi saytında vətəndaşların (neftçilərin) fərdi şəxsi hesablarında son günlərdə ümumi pensiya kapitalının məbləğində rəqəm dəyişikliyi (azalma) baş verib. Bildiyim qədərilə bəzi əməkdaşlar hətta Korrupsiyaya Qarşı Mübarizə İdarəsinə də müraciət ediblər. 16.02.2025-ci ildə şəxsən mən özüm elektron kabinetə daxil olduqda mənə aid olan pensiya kapitalının illik cədvəlində 2024-cü ilə aid olan hissənin silindiyini müşahidə etmişdim”.

Yenisirvanli.İnfo.Az